Поврзете се со нас

Skopje Global

Вести

Збирка шекспирови дела продадена за 10 милиони долари

"The plays of William Shakespeare Vol. 7-" (CC BY-NC-ND 2.0) by College of William & Mary Law Library

Збирка шекспирови дела продадена за 10 милиони долари

Една ретка збирка од драмите на англискиот писател Вилијам Шекспир, што прв пат е издадена во 1623 година, беше продадена на аукција за до сега рекордни, безмалку 10 милиони долари, соопшти аукциската куќа „Кристис“.

Станува збор за една, од вкупно шесте примероци од оваа прва збирка со сите драмски дела на Шекспир. Збирката содржи, како што е и заглавена – комедии, истории и трагедии – што ги собрале на едно место, а потоа ги издале пријателите на авторот, седум години по неговата смрт.

Во збирката има 18 драмски текстови, како и некои што пред тоа воопшто не биле објавени, па нивното внесување во оваа книга значи дека тие биле спасени од пропаѓање и од можноста никогаш да не бидат публикувани.

Пред да започне аукцијата, експерти проценувале дека книгата-збирка има вредност меѓу четири и шест милиони долари. Се покажа, овој пат, дека има луѓе, купувачи на вакви ретки примероци од пред без малку 400 години, што не прашуваат за цената.

Во 2001 година, на една друга аукција на ваква збирка од шекспирови дела, била достигната цена од 6,2 милиони долари. Тој, тогашен рекорд за делата на прославениот англиски автор, овој пат беше убедливо надминат.

Идентитетот на сегашниот купувач, „Кристис“ одбива да го соопшти.

Оваа збирка, за продавање ја има понудено приватниот Универзитет Милс Колеџ, од градот Оукленд, во Калифорнија.

Коментирај

Напиши одговор

Вашата адреса за е-пошта нема да биде објавена. Задолжителните полиња се означени со *

Повеќе во Вести

Горе