Поврзете се со нас

Skopje Global

Бизнис Глобал

Десетмината најбогати го дуплирале богатството

Feverpitch/Depositphotos.com

Десетмината најбогати го дуплирале богатството

Десетмината најбогати луѓе во светот, двојно го зголемиле своето богатство во текот на ДВЕТЕ ГОДИНИ од глобалната ПАНДЕМИЈА со коронавирусот.

Во исто време, глобалната сиромаштија и нееднаквоста се зголемени – открива извештајот на Оксфам, конфедерација на хуманитарни организации, насочени кон намалувањето на сиромаштијата во светот.

Извештајот е направен пред одржувањето на виртуелниот мини – самит на светските лидери, што ќе се одржи под покровителството на Светскиот економски форум во Давос, кој инаку (поради вратената пандемија) е поместен за подоцна, оваа пролет.

Според анализите на Оксфам, богатството на овие десетмина се зголемило – од претходните 700 МИЛИЈАРДИ ДОЛАРИ, на 1,5 БИЛИОНИ (или 1500 милијарди). Нивото богатство, изминатите две години, растело просечно, по стапка од 1,3 милијарди – секој ден!

Анализата открива дека богатството на првата „десетка“ милијардери во која се – Џеф Безос, Илон Маск, Марк Цукерберг, Лари Пејџ, Сергеј Брин, Бернар Арно, Бил Гејтс, Стив Балмер, Лари Елисон и Ворен Бафет – во текот на пандемијата растело побрзо, отколку во претходните 14 години. Тоа е времето кога светската економија се соочуваше со длабока криза и со рецесија која финансиските експерти ја оценуваат како најлоша уште од големиот светски монетарен крах во 1929 година.

За оваа организација, постоечката и зголемена глобална нееднаквост (во врска со распределбата на богатството), претставува „економско насилство“.

Оксфам дури тврди дека таа разлика (меѓу многу богатите и многу сиромашните) има придонесено за смртта на 21 илјада лица – секој ден – поради немањето пристап до соодветна здравствена заштита, поради зголемено насилство врз родна основа, од глад, но и од климатски промени.

Во извештајот се повикуваат владите во светот да се изврши даночна реформа, за да од повеќето насобрани пари, би се финансирало производството на вакцини низ целиот свет, но и за здравствена заштита, уредена и за најсиромашните држави и нивното население.

Исто така, Оксфам заговара и прилагодување на климата и запирање на климатските промени, како и намалување на насилството врз родова основа, бидејќи се верува дека на тој начин ќе може да се спасат многу животи.

Организацијата соопшти дека при анализите, а посебно при изработката на пресметката за богатството на овие десетмина милијардери, биле користени најновите (достапни) извори на податоци, а била користена и последната листа на милијардерите (за 2021 година) на американското деловно списание Форбс.

Коментирај

Напиши одговор

Вашата адреса за е-пошта нема да биде објавена.

Повеќе во Бизнис Глобал

Горе