Поврзете се со нас

Skopje Global

Дипломатите во одбрана на полската ЛГБТ заедница

Екстра Глобал

Дипломатите во одбрана на полската ЛГБТ заедница

Grand Warszawski/BigStock.com

Дипломатите во одбрана на полската ЛГБТ заедница

Амбасадори од сите страни на светот – вкупно 50 – акредитирани во Варшава, во отворено писмо, побараа од владата на Полска да ја запре непријателската кампања и дискриминацијата кон ЛГБТ заедницата во оваа земја, која во писмото на странските дипломати се означува како сексуално малцинство.

Меѓу потписниците на ова писмо се амбасадорите од земјите-членки на ЕУ, каде и Полска е членка од 1 мај 2004 година, но и од држави какви што се САД, Израел или Индија.

„Поопасни од комунизмот“!

Оваа средноевропска земја стана позната во светот по своето силно непријателство кон ЛГБТ заедницата, откако на власт дојде конзервативната и националистичка влада на партијата Право и Праведност (ПиС).

Полскиот претседател Анджеј Дуда, кој во јуни, на претседателските избори успеа да освои и втор мандат, одново врз познатите националистички позиции, во кампањата остро се нафрли врз ЛГБТ заедницата и оние кои ја подржуваат и бранат.

Во едно предизборно обраќање, Дуда дури ја нарече оваа „малцинска“ група – „многу поопасна и од комунизмот“ – предизвикувајќи гневна реакција во демократската и либералната полска јавност, како и низ поголемиот дел од Европа
Во Полска е забрането, па според тоа се означува и како кривично дело, склучување на истополови бракови, а забрането е и ваквите двојки да може да посвојуваат деца.

ЛГБТ не е идеологија

Таквата политика на владејачката партија има создадена општествена клима во која доминира ултра-конзервативизмот под влијание на полската католичка црква, па во овие делови од тамошната јавност, ЛГБТ е прогласена за „опасна и агресивна идеологија“.

Во отвореното писмо, странските дипломати во Варшава, порачуваат дека полската влада е „задолжена да ги заштитува од дискриминација и од насилство” припадниците на оваа заедница, респектирајќи ги нивните човекови права.

Американската амбасадорка, Џорџет Мосбахер уште има напишано и дека „човековите права не се идеологија – тие се универзални“, додавајќи дека сите потпишани 50 дипломати се согласуваат со тоа.

Коментирај

Напиши одговор

Вашата адреса за е-пошта нема да биде објавена. Задолжителните полиња се означени со *

Повеќе во Екстра Глобал

Горе